Генералниот секретар на Арапска лига, Ахмед Абул-Геит изрази жалење и загриженост поради последните случувања во Сирија, по нападот на САД, Франција и Велика Британија.
Абул-Геит изјави дека сите страни вклучени во кризата, а пред се сириската Влада, одговорни се за влошување на ситуацијата.
Тој додаде дека не би требало да се толерира и да се прифаќа употреба на хемиско оружје врз цивили.
– Решавањето на ситуацијата во Сирија подразбира одржлив политички договор, наведе Абул-Геит во саудискиот град Дамама, каде утре ќе се одржи состанок на Арапската лига.