Европската комисија ќе одобри 3,9 милиони евра за хуманитарните организации, кои укажуваат помош за бегалците од сирискиот курдски град Кобане, на границата со Турција.
– Над 180.000 Сиријци пребегале во Турција како последица на интензивните борби во Кобане, што ги продлабочува последиците од хуманитарната криза, која е најголема за нашето време, изјави еврокомесарот за хуманитарна помоп Кристалина Георгиева.
Средствата ќе бидат наменети поконкретно за обезбедување вода, засолниште и храна за бегалците.
Помошта е дел од пакетот од 150 милиони евра, предвидени од ЕК за хуманитарната помош за Сирија во 2014 година.