Судот во Каиро побара од владата за еден месец да го блокира пристапот кон Јутјуб откако еден корисник ја обвини интернет-платформата Јутјуб за закана за социјалниот мир.
Судот, меѓу другото, се повика на спорниот филм „Невиноста на муслиманите“, во кој Мухамед А.С. е претставен како љубител на жени и хомосексуалец.
Сегашната забрана за Јутјуб ќе важи и за други веб-страници што го објавија филмот. Против пресудата постои право на жалба, пренесе „Дојче веле“.
Филмот претставува безбедносна закана за Египет – изјави адвокатот Мохамед Хамид Салим, кој поднесе тужба во 2012 година.
Неговата аргументација е дека целта на филмот е искривување на сликата на пророкот Мухамед А.С. и провокација на војна против исламот.