Американската фармацевтска компанија „Џонсон и Џонсон“ се соочува со неочекувани одложувања во производството на својата вакцина против коронавирусот и можеби нема да може да го испорача бројот на дози што и ги вети на федералната влада до пролетта, објави денеска Њујорк тајмс.
На американските федерални власти им беше кажано дека „Џонсон и Џонсон“ заостанува два месеца од првичниот распоред на производство и дека нема да стигне до крајот на април, кога треба да испорача повеќе од 60 милиони дози, пишува американскиот весник.
Претходно оваа недела, извршниот директор изјави дека компанијата е на пат да произведе до милијарда вакцини против Ковид-19 до крајот на 2021 година.