Рускиот претседател Владимир Путин врши воени злосторства во Украина и дополнителни санкции се единствениот начин тој да биде запрен, изјави денеска чешкиот премиер Петр Фиала.
„Руската војска го опустоши украинскиот Мариупол. Целиот свет гледа дека Владимир Путин прави воени злосторства и дека невини луѓе умираат поради неговата војна“, напиша Фиала на Твитер.
„Мораме да продолжиме да се залагаме за јасен и унифициран пристап кон Русија и воведување дополнителни санкции, бидејќи тоа е единствениот начин да се запре Путин“, додаде Фиала.
Извор: МИА