Цените на нафтата на светските пазари паднаа за повеќе од пет проценти, односно под 80 долари за барел.
Ова дојде по сигналите дека САД и Иран би можеле да постигнат договор оваа недела што ќе им овозможи на танкерите да поминат низ Ормутскиот теснец и да го обноват извозот на енергија од регионот на Персискиот Залив, објави „Трејдинг економикс“.
Меѓународната референтна нафта од типот „Брент“ се тргуваше по околу 78,5 долари за барел, додека американската сурова нафта од типот „ВТИ“ се приближуваше до ниво од околу 75,5 долари за барел.