Белата куќа ќе почне нова програма за испраќање на вакцини против коронавирусот директно до аптеките. Таа акција ќе почне следната недела, а целта е да се прошири пристапот на Американците до лековите. Ова го објави главниот советник во Белата куќа.
Координаторот во тимот на американскиот претседател Џо Бајден, за Ковид-19, Џеф Зинтс, изјави дека програмата че почне на 11 февруари и првично предвидува вкупно 11 милиони дози до 6.500 аптеки.
Тој додаде дека со зголемувањето на достапните количини, опсегот на програмата може да се прошири на 40.000 аптеки.
– Тоа ќе им овозможи на луѓето повеќе места за вакцинирање во градот каде што живеат, нагласи Зинтс.