Армијата на Камерун убила 143 припадници на Боко Харам и тоа е најголем пораз на нигериската исламистичка група, објавија државните медиуми.
Бунтовниците биле убиени синоќа во напад врз камп во Колофата, во северниот дел од Камерун. Борбите траеле повеќе од пет часа, јави ДПА.
Владин портпарол наведе дека судирот завршил откако армијата ги бомбардирала бунтовниците, кои биле принудени да се повлечат кон границата со Нигерија.
Во судирот камерунската армија има само една жртва. Таа централно-африканска држава испрати повеќе од илјада војници во северниот дел од државата каде припадници на Боко Харам најчесто навлегуваат од Нигерија да вршат напади.