Арапската лига го поддржа создавањето зони за деескалација во Сирија, но тоа не треба да води кон распад на земјата, изјави генералниот секретар на организацијата, Ахмед Абу ал Гејт, по средбата со рускиот шеф на диполматијата Сергеј Лавров во Каиро, пренесе ТАСС.
-Го разгледавме и поддрживме таквиот чекор, но создавањето на ваквите зони не треба да води кон фрагментирање и распад на Сирија, додаде тој.
Генералниот секретар на Арапската лига додаде дека на средбата со Лавров не е разговарано за враќањето на Сирија во членството на организацијата.
-Имаме различни позиции за ова прашање, но тоа не беше засегнато во нашите разговори, подвлече тој.