Мјанмар ги изложи муслиманите Рохинџи на долготрајна дискриминација и прогони, кои дојдоа до ниво на „нехуман апартхејд“, оцени денеска светската организација за заштита на човекови права Амнести интернешанл (АИ).
Во извештајот на организацијата, заснован врз двегодишна работа на темата, каде детално е опишан животот на Рохинџите во Мјанмар, се наведува дека нивниот живот во Мјанмар и дискриминацијата кон нив се значително влошени во последните пет години.
Лидерката на Мјанмар, Аунг Сан Су Чи изрази надеж дека разговорите со Бангладеш оваа недела ќе резултираат со усвојување на меморандум за разбирање за безбедно враќање на Рохинџите муслимани, кои избегал од Мјанмар во Бангладеш во последните три месеци.