Најмалку 11 лица се убиени, а 25 се ранети во самоубиствен напад во главниот град на Авганистан – Кабул.
Според портпаролот на Министерството за внатрешни работи, Наџиб Даниш, бомбаш самоубиец активирал бомба откако се доближил до група припадници на службата за безбедност.
Притоа се убиени петмина полицајци, кои во тој момент спроведувале акција против илегална продажба на дрога и алкохол на подрачјето на Кабул, во близина на американската амбасада.
Полицијата соопшти дека напаѓачот носел полициска или воена униформа.
Одговорност за нападот презеде екстремистичката група Исламска држава.