Голема вода што надоаѓа од БиХ кон Србија го вклучи дополнително црвениот аларм во Србија, посебно за одбрана на Шабац.
-Катаклизма се случува во цела Србија, ситуацијата е многу потешка од тоа што можеше да се претпостави, а претстои уште потешка состојба, рече премиерот на Србија Александар Вучиќ на седницата на Републичкиот штаб за вонредни ситуации.
Александар Вучиќ ги повика сите Срби да помогнат, посебно жителите на Белград организаирано од пред Сава Центар да тргнат кон Шабац. Во прашање се 10.000 куќи и штета од библиски размери, не сакам да помислам на човечки жртви, рече Вучиќ.
Според српскиот премиер потребна од помош од сите граѓани поради тоа што капацитетите на војската и полицијата се целосно исцрпени кои три дена се ангажирани на десетина локации низ Србија.
-Цела Србија ќе остане без струја ако во Обреновац се крене нивото на водата за уште 30 сантиметри, рече Вучиќ.
Гледам дека некои влади не разбраа за што се работи, овој пекол ќе трае 3 месеци. Нека не ни помагаат со доливање масло на огнот, кој сака нека помогне, кој не сака нека седи и молчи. И ЕУ нека не ни праќа по 10.000 евра, ако сака да помогне вистински, нека ни помогне како што треба.
Ни требаат уште хеликоптери и чамци, тоа ни треба, рече Вучиќ. Русија веќе испрати два авиони во Србија, а според најавите во текот на денот треба да пристигнат уште два авион со спасувачи и чамци.
Во тек се акции за спасување на луѓе на неколку места, качени на покривите од зградите кои речиси сите се поплавени до вториот кат. Од некои згради има јавувања дека пукаат и бараат што побрзо да пристигне помошта.