Прилеп овој викенд првпат ќе биде домаќин на параглајдинг купот „Prilep Open 2014“.
Со овој куп, нагласи на денешната прес-конференција градоначалникот на Прилеп Марјан Ристески, се промовира локацијата кај Трескавец како атрактивна за параглајдерство.
– На овој балкански куп се пријавени 60 натпреварувачи од пет земји кои ќе учествуваат во овој параглајдинг куп во дисциплина прецизно слетување. Освен натпреварувачките дисциплини особено атрактивно ќе биде слободното летање и тандем летовите за посетителите. Голема благодарност до УСАИД кои овозможија да се промовира слетиштето кај Трескавец, рече Ристески.
Организатори на купот се спортските клубови Skyriders, Delta и општина Прилеп заедно со USAID.
Со овој куп во параглајдинг Прилеп ја затвора сезоната на одржување екстремни спортови. Досега се одржаа трки во мото-крос, планински велосипедизам и болдеринг.
– На овој начин Прилеп се етаблира како центар на екстремните спортови кои привлекуѕваат светски спортисти, но и туристи, рече Ристески.
Доколку временски услови се лоши, натпреварот ќе биде отворен во 9:45 часот на Трескавец, а потоа ќе се премести на полетиштето Мечкин Камен – Исток во близина на Крушево.