Во организација на АКК Примо авј, претстојниот викенд во Кичево ќе се вози првата кружна трка „КИЧЕВО 2018“ со која ќе стартува шампионатот на Македонија во автомобилизам на кружни патеки.
На патеката на воениот полигон во Кичево се очекува бројка од околу 25 натпреварувачи, а најавено е и присуство на гости од Косово.
Главната трка на програмата е в (15 јули) од 12 часот, а половина час претходно е Свеченото отворање.
Во сабота со почеток во 13 часот ќе се вози официјалниот тренинг.