Рафаел Надал конечно одигра натпреварувачки меч.
После седум месеци пауза поради повредата на коленото и одложување на враќањето на терените, шпанскиот тенисер ја забележа првата победа. Надал се пласираше во четвртфиналето на турнирот во Чиле, после победата над Фредерик Делбонис со резултат 6:3, 6:2.
Иако го загуби првиот гем на својот сервис Рафа, брзо се врати во својот ритам и израмни во четвртиот гем.
Шпанецот подоцна направи брејк и дојде до предност од 1:0 во сетови. Во вториот сет Надал повеќе личеше на себе па со два брејка рано стигна до предност од 4:0 со што рутински го приведе натпреварот кон крајот.
Надал во четвртфиналето на турнирот во Чиле ќе игра против подобриот од дуелот Монтањес – Химено-Травер.