ВИДЕО: Ибра стигна до 500 голови во кариерата, го зацврсти местото меѓу најдобрите напаѓачи во историјата

Од:

Шведскиот напаѓач Златан Ибрахимовиќ, со двата голови за Милан во триумфот над Кротоне изминатиот викенд ја надмина бројката од 500 постигнати голови во кариерата.

39-годишниот Ибрахимовиќ досега има одиграно 825 натпревари на кои постигна 501 гол, распоредувајќи ги низ 22 сезони во дресовите на девет различни екипи.

Кариерата ја започна во 1999 година во дресот на Малме, постигнувајќи 18 голови, продолжи со 48 голови за Ајакс, 26 за Јувентус, 66 за Интер, 22 за Барселона, 56 за време на својот прв престој во Милан, 156 за Пари Сен-Жермен (ПСЖ), 29 за Манчестер јунајтед, 53 за ЛА Галакси и 27 досега по своето враќање во редовите на Милан.

За шведската репрезентација, Ибрахимовиќ постигна 62 гола на 116 натпревари.

-Овие бројки значат дека сум постигнувал некои голови во кариерата, но морам да продолжам за да и помогнам на екипата на најдобар можен начин. Мојата работа е да постигнувам голови и да создавам шанси за постигнување голови, изјави Ибрахимовиќ по влегувањето во „Клубот 500“.

Шведскиот напаѓач зад себе има 13 сезони со над 20 постигнати голови, во пет сезони ја надмина бројка од 30 голови, а негов најплоден период беше во дресот на ПСЖ каде во текот на четири сезони постигна 35, 41, 30 и 50 голови.

Досега во кариерата изведе 91 удари од белата точка, реализирајќи 77.

-Можеме само да му честитаме. Тоа е неверојатен ефект, но, сепак, во прашање е неприкосновениот број 1, шампион. Сакам само повторно да му честитам и да му порачам дека не мора да застане на оваа бројка, изјави актуелниот тренер на Ибрахимовиќ во Милан, Стефано Пиоли.

Би можело да ве интересира

Германија и Бразил ќе играат во иста група на олимпискиот фудбалски турнир

Жарко Настоски

Макрон и Џонсон против формирањето на Супер лигата

Ана Ололовска

Официјално е објавено формирање на Супер лигата

Ана Ололовска

Модриќ прифати да остане во Реал за помала плата

Жарко Настоски

УЕФА ја казни Црвена ѕвезда за навредите кон Ибрахимовиќ

Жарко Настоски

Шкендија ја зголеми предноста на табелата пред конкурентите за шампионскиот трофеј

Жарко Настоски