Судот во Мелбрун донесе одлука Новак Ѓоковиќ да биде ослобоен. Судијата кој го водеше процесот реши дека начинот на кој граничните власти му ја укинале визата бил неразумен.
Судијата одлучи дека Ѓоковиќ има право на виза и објави дека треба да биде ослободен веднаш. Австралиската влада треба да ги плати и правните трошоци.
Судењето на кое адвокатскиот тим на Ѓоковиќ се бореше против укинувањето на визата траеше неколку часа. Прво случајот го образлагаше одбранта, а потоа и адвокатот на австралиските власти.
Ѓоковиќ во Австралија влезе невакциниран со потврда за медицински исклучок бидејќи прележал ковид во декември. Австралиските власти му ја укинаа визата при влезот во државата со образложение дека не приложил доволно докажи за медицинскиот исклучок.
#BREAKING: Novak Djokovic moved to an undisclosed location after the judge ordered him out of hotel detention to hear his fate.
The tennis star is set to win his appeal against deportation today.
Full report: https://t.co/EaIX3zkB2M pic.twitter.com/fp4kM6k0S8
— Avi Yemini (@OzraeliAvi) January 10, 2022
Битката на Ѓоковиќ со австралиските власти овде не е завршена. Владиниот советник Кристофер Тран го извести судот дека министерот за имиграција, државјанство, услуги за мигранти и мултикултурни прашања – а не министерот кој ја укинал првичната виза – сега ќе разгледа дали да го искористи личното овластување за укинување на визата на Ѓоковиќ.