Новак не победува на турнири, а предноста ја зголемува на АТП листата

Од:

Новак Ѓоковиќ и оваа недела е прв на АТП листата со уште поголема предност пред Јаник Синер.

Српскиот тенисер Новак Ѓоковиќ ја започна 421-та недела на врвот на АТП листата, иако минатата недела не одигра некој особено одличен турнир. Точно е дека Ѓоковиќ стигна до полуфиналето на Монте Карло каде традиционално не игра добро. Во сите претходни години од него секогаш се очекуваат трофеи, а сезонава се уште ги нема.

И покрај поразот од Каспер Руд, Норвежанецот кој подоцна беше поразен од Стефанос Циципас во финалето, Ѓоковиќ заработи 310 поени и ја зацврсти својата позиција на врвот на АТП-листата. Сега Ѓоковиќ ја мина границата од десет илјади поени и има вкупно 10.035, што воедно значи дека ја зголеми предноста пред најблискиот зад него, Јаник Синер. Италијанецот не се прослави ниту во Монте Карло каде заработи само 40 нови поени и има 8.750.

На третото место е Карлос Алкараз, кој има 8.645, но оваа недела ќе загуби уште 500 бода бидејќи се откажа од Барселона, додека Данил Медведев (7.085) е веќе на многу посигурна дистанца. Во првите десет се и Зверев (5.425), Руд (4.025), повратникот Циципас (3.995), Рублев (3.935), Хуркач (3.375) и Димитров (3.640).

Ѓоковиќ обезбеди уште најмалку еден месец на водечката позиција на АТП листата, односно до 37. роденден, а најголем предизвик да ја задржи таа позиција ќе биде на Ролан Гарос каде ја брани титулата и 2.000 бодови. Со оглед на тоа што Синер брани само 225 поени во целата земјена сезона, голема е веројатноста во случај на пласман во полуфиналето на турнирот да го „симнат“ од тронот Ноле, дури и Србинот повторно да ја освои шампионската титула.

Засега не се знае кој е следниот турнир на кој ќе учествува Ѓоковиќ, бидејќи се уште не го „најавил“ Мадрид, додека потенцијално е учесник во Рим, Мастерсот кој се игра пред Ролан Гарос.

Би можело да ве интересира

Новак Ѓоковиќ ќе игра на Вимблдон

Предраг Петровиќ

Новак се откажува од Ролан Гарос

Ѓоковиќ му даде предност на Алкараз

Познато зошто Новак му откажа соработка на Иванишевиќ

Предраг Петровиќ

Хрватски медиуми: Иванишевиќ мораше да оди во Америка за да му биде врачен отказот

Предраг Петровиќ

ВИДЕО: Новак се мачеше со Вукиќ, но победи во Калифорнија по пет години

Предраг Петровиќ