Пред почетокот на сезоната на земјен терен, АТП собра неколку од најдобрите тенисери во светот за да ги презентираат своите очекувања и прогнози. Меѓу нив беше и најдобриот тенисер на светот Новак Ѓоковиќ.
Првото прашање е кој тенисер ќе има најдобра сезона на турнирите кои се играат на споменатата подлога, а српскиот тенисер како и повеќето други изјави дека тоа ќе биде Карлос Алкараз.
“Зошто, мислам дека е очигледна неговата упорност. Таа подлога одговара на неговата игра, тој порасна на неа. Да, мислам дека ќе биде најдобар”, изјави Ѓоковиќ, кој го фаворизира Алкараз да слави на Мастерсот во Рим и Мадрид.
Минатата година Даниил Медведев конечно ја освои својата прва титула на земјена подлога, па тенисерите беа прашани дали ќе може повторно да го стори тоа.
„Се надевам дека ќе ја освои“, кратко одговори Новак.
Who will have a way with clay?! 👀 🧱
The predictions are in… pic.twitter.com/lnZS7pmqk3
— ATP Tour (@atptour) April 6, 2024
Минатата година Андреј Рубљев првпат во кариерата го освои Мастерсот од серијата 1000, но Ѓоковиќ не знаеше кој би можел да биде новиот дебитант во новото друштво.
„Хм, кој би можел да биде?
Жоао Фонсека е неговиот избор за тенисер кој најмногу би можел да изненади на земјена подлога, а интересно е што Крис Еубенкс го избра Рафа Надал.
“Фонсека, Бразилецот. Го видов како игра, многу е добар. Ме потсетува на мене”, тврди Ѓоковиќ.
Тој даде и прогноза за победникот на Ролан Гарос.
Зверев никогаш не освоил Грен слем, па јас го избирам него“, навива Новак за Германецот.
Неговите цели се поскромни.
„Да поминам два круга во Монте Карло. Што не е случај долги години“, се пошегува Ѓоковиќ и потоа се коригира:
„Во ред, дозволете ми да бидам полуфиналист.