Српскиот тенисер Новак Ѓоковиќ се пласираше во четвртфиналето на Мастерсот во Монте Карло откако за еден час и 59 минути го совлада Италијанецот Лоренцо Музети со резултат 2:0 (7:5, 6:3).
Ѓоковиќ му се реваншираше на Италијанецот за ланскиот пораз на истото место и во истото коло од натпреварувањето, но не му беше лесно да победи. Музети веќе направи брејк во првиот гем, но Ѓоковиќ успеа да се врати во сетот кога израмни на 4:4. Со водство од 6:5 Ѓоковиќ направи брејк и така го освои првиот сет.
Во вториот сет Србинот прв направи брејк и поведе со 2:0, а потоа Италијанецот возврати и намали на 1:2, но Ѓоковиќ веднаш повторно брејка за 3:1. При 4:2 за најдобриот тенисер на планетата, Музети прави брејк и се чини дека неизвесноста се враќа во мечот. Ѓоковиќ повторно направи брејк во следниот гем и поведе со 5:3, а потоа на крајот со својот сервис го приведе мечот кон крајот.