Австралискиот тенисер со босанско потекло Бернард Томиќ е претепан пред салон за тетовирање.
На социјалните мрежи се појави видео на кое се гледа како го тепаат двајца мажи додека беспомошно лежи на земја, а видеото од 16 секунди го пренесоа и австралиските медиуми, истакнувајќи дека настанот се случил на Голд Коуст.
На видеото се слуша како маж му вели на Томиќ „стани куче“, пред неуспешно да се обиде да го крене на нозе.
#Exclusive: Vision has emerged that appears to show tennis player Bernard Tomic being attacked outside a Gold Coast tattoo parlour. pic.twitter.com/W3VcE3Vv5t
— 10 News First Sydney (@10NewsFirstSyd) September 8, 2023
Сепак, не е јасно кога се случил нападот и која била причината за претепувањето на Томиќ.
Австралискиот тенисер, чии корени се од Босна и Херцеговина, бидејќи неговиот татко Ивица е роден во селото Хусин кај Тузла, а неговата мајка Адиса во Брчко, во минатото предизвикуваше бројни скандали, но ретко кој можеше да очекува вакво нешто.
Томиќ моментално се наоѓа на 292. место на АТП-листата, а најдобар пласман во кариерата му е 17. место, во 2016 година. Во кариерата освои четири АТП турнири.