Холандскиот репрезентативец Весли Снајдер објави дека се откажува од фудбалот. 35-годишниот играч е без клуб од јули. Неодамна, тој играше во Катар за локалниот Ал-Гарафа.
Кариерата на Снајдер започна во Ајакс, по што играше за Реал Мадрид, Интер, Галатасарај и Ница. Играше со екипата на „нероазурите“ од 2009 до 2013 година и токму во Милано го постигна својот најголем успех. Тој беше основна фигура во тимот предводен од Жозе Мурињо, кој дојде до „требл“ во 2010 година. Во тоа време, Интер ги освои Лигата на шампионите, титулата и Купот на Италија.
Весли е рекордер за репрезентацијата на Холандија со 134 настапи. Играчот од средниот ред имаше голема заслуга за пласманот на „портокаловите“ во финалето на СП 2010 година.