Најдобриот македонски тенисер Димитар Грабул кој котира на 706.место на АТП листата, денеска ќе игра во полуфиналето на турнирот во Хеист, Белгија.
Ова за Грабул ќе биде трето полуфинале на последните пет фјучрс турнири на кои настапува.
Македонскиот тенисер е рангиран како осми носител, а ќе игра против 6.носител, 19-годишниот домашен тенисер Жулиен Кањина.
Двајцата тенисери на првиот фјучрс во Белгија во Брисел играа исто така во полифиналето и тогаш со 2:1 победи Кањина.
Грабул вчера во четвртфиналето го совлада Шпанецот Маркос Гиралди Рекуена со 2:1 во сетови.