Уште двајца руски олимписки шампиони во атлетика суспендирани поради допинг

Од:

Поранешните олимписки шампиони, руските атлетичари Андреј Силнов и Наталија Антјух, се суспендирани на четири години поради допинг, соопшти денеска Судот за спортска арбитража (CAS) со седиште во Лозана.

Силнов и Антјух беа обвинети за користење или обид за користење забранети супстанци или методи, а обвинувањата произлегоа од истрагата што Светската антидопинг агенција (WADA) ја отвори против Русија во 2016 година.

Силнов го освои златниот медал во скок во височина во 2008 година на Игрите во Пекинг, додека Антјух победи на Игрите во Лондон во 2012 година во дисциплината 400 метри со пречки.

Како што е соопштено, Силнов и Антјух ќе ги задржат сите освоени медали. Тие не се натпреваруваат од 2016 година, а Силнов беше потпретседател на Атлетската федерација на Русија до 2019 година, кога поднесе оставка поради истрагата на судот во Лозана.

Осумгодишна суспензија доби носителката на сребрениот медал од Светското првенство во сала во 2006 година на 1.500 метри Елена Соболева, додека четиригодишна казна ѝ е изречена на руската атлетичарка во фрлање кладиво Оксана Кондратева, која е дисквалификувана од петтото место на Светското првенство во 2013 гофина.

Би можело да ве интересира

Кенијката Чепнгетич го собори светскиот рекорд во полумаратон

Ана Ололовска

Јанг Џијау го собори светскиот рекорд на 20 километри брзо одење

Ана Ололовска

Јован Стојоски сам ќе ја брани честа на Македонија на претстојното Европско првенство во сала

Жарко Настоски

(ВИДЕО) Падна еден од најстарите спринтерски рекорди: Грент Холовеј со ново најбрзо време во историјата на 60 метри со пречки

Жарко Настоски

Злато за Ивановски на 3.000 метри на атлетската Балканијада во Истанбул

Ана Ололовска

„Виси“ рекордот на Стефка Костадинова во скок во височина од 1987 година – 19-годишната Украинка Махучих прескокна 206 сантиметри

Жарко Настоски