Топиќ на Олимпијада со 41 година

Од:

Српскиот атлетичар Драгутин Топиќ (41) постави нов светски рекорд во скок во височина за ветерани, воедно исполнувајќи ја и Б-нормата за Олимписките игри во Лондон.

На Екипното првенство на Србија во Белград, каде што настапи за Партизан, тој победи со резултат 2,28 метри и се избори за шесто учество на олимпијадите како шести атлетичар во светот на кого му успеало тоа.

Рекордерка е Јамајчанката со словенечки пасош Мерилин Оти со седум учества на најголемата спортска приредба на планетата, а покрај Топиќ по шест имаат Марија Мутола од Мозамбик, Жоао Н’Тијамба од Ангола, Теса Сандерсон од Велика Британија и Лија Манолија од Романија.

Некогашниот европски шампион и неговата сопруга Билјана Топиќ, која ќе се натпреварува во трискок, ќе бидат и единствената брачна двојка меѓу учесниците на Игрите во Лондон.

Би можело да ве интересира

Литванецот Миколас Алекна го собори најдолгогодишниот светски рекорд во машка атлетика

Предраг Петровиќ

Почина познатата Британка Лесли Вотсон

Горан Наумовски

Шанкуле победничка на мундијалскиот маратон во Будимпешта

СП атлетика: Злато за Ворхолм, Кер, Паулино, Мун и Кенеди

(ВИДЕО) Српската кралица на атлетиката ја освои планетата: Ивана Вулета е светска шампионка

Откриена заднината на скандалот со најбавната спринтерка досега, реагираше државата