Европскиот шампион Барселона ќе игра во финалето на Светското клупско првенство што се одржува во Јапонија, откако денеска со убедливи 3:0 го победи азискиот шампион Гвангжу.
Јунак во победата на Каталонците беше Луис Суарез со три постигнати гола. Уругваецот резултатот го отвори во 39.минута, во 50.минута на асистенција на Андрес Иниеста зголеми на 2:0, а конечните 3:0 ги постави во 67.минута од пенал.
Шпанскиот првак на овој натпревар настапи без Лионел Меси и Нејмар.
Во недела во финалето Барселона за трофејот ќе се бори со јужно-американскиот првак Ривер Плата.