Спортско планинарскиот клуб „Козјак“ од Куманово, синоќа во пресрет на Светскиот ден на планината, одржа годишно собрание на кое ги прогласи најдобрите планинари и ја усовои годишната програма.
За најдобри планинари во машка и женска конкуренција беа прогласени Бобан Антевски и Жаклина Антевска.
Годишната програма на планинарскиот клуб предвидува одржување летна планинарска школа, соработка со македонски и балкански друштва и искачување на врвовите во Македонија и на Балканот.
Во текот на оваа недела, најавија надлежните од клубот, ќе се одржат и предавања за членовите и едукација за подмадокот.
Како што информира претседателот на СПК „Козјак“, Владо Лазаревски, планинарскиот клуб постои 34 години, а членуваат околу 1000 планинари, кои додсега ги имаат освоено највисоките врвови во Македонија, Балканот и Европа. Клубот располага со два планинарски дома во Длабочица.
Кумановскиот клуб, најави претседателот, ќе учествува на одбележувањето на Светскиот ден на планината на Матка во Скопје со останатите планинарски друштва од државава.
Инаку, 11. Декември е прогласен за Светски ден на планината на Генералното собрание на Обединетите нации (ОН) во 2003 година со цел да се потенцира важноста на планината за животот на луѓето, како и да се придонесе кон нејзина поголема заштита.