Шпанската комбинација Анабела Медина Гаригес и Фернандо Вердаско триумфираа во Хопман купот што се игра во Перт, откако во финалето ја совладаа српската комбинација Ана Ивановиќ и Новак Ѓоковиќ со 2-1 во победи.
Во првиот меч од финалето Ѓоковиќ го победи Вердаско со 6:3 и 7:5. Во мечот на тенисерките Медина Гаригес ја совлада Ивановиќ со 6:4, 6:7 и 6:2 по сетови.
Решавачки за победникот беше миксот кои шпанските тенисери го добија со 6:4 и 7:5 по сетови.
За Шпанија ова е четврта победа на ова натпреварување.