Руската тенисерка Марија Шарапова е права на листата според заработката на американскиот деловен магазин Forbes, познат по составување листи на најбогатите луѓе на светот и на оние кои во различни области заработиле изминатите дванаесет месеци, пренесе Макфакс.
Така, според Forbes, Марија Шарапова минатата година заработила 29 милиони американски долари. И од второто до четвртото место меѓу спортистките се тенисерки, па така втора е Американката Серена Вилијамс со заработка од 20,5 милиони долари, трета е Кинеската На Ли со 18,2 милиони и четврта е Белорусинката Викторија Азаренка со 15,7 милиони американски долари.
Меѓу десетте најбогати се уште три тенисерки, Данката Каролин Возниацики со 16, милиони, полската тенисерка Ангешка Радванса со 7,4 милини и Србинката Ана Ивановиќ со 7 милиони американски долари.
Најдобро заработила меѓу спортистките а да не игра тенис е американската автомобилистка Дениса Патрик со 15 милиони долари, а следат јужнокорејската лизгачка на мраз Ким Јуна со 14 милиони и американската играчка на голф, Пола Крамер со 5,5 милиони долари.
Меѓутоа, само Шарапова, Вилијамс и Ли успеале да влезат на листата меѓу 100-те најбогати спортисти во машка и во женска конкуренција, и тоа Шарапова е 22-ра, Вилијам 68-ма и Ли 85-та.
Минатата година од сите спортисти најмногу заработил американскиот голфер Тајгер Вудс со 78,1 милион долари, а следи швајцарскиот тенисер Роже Федерер со 71,.5 милиони и американскиот кошаркар Коби Брајант со 61,9 милиони долари.