Сите светски милијардери помлади од 30 години го наследиле своето богатство, а првиот бран на „големиот трансфер на богатство“ ќе се случи во следните две децении кога повеќе од 1.000 богати луѓе ќе префрлат над 5,2 трилиони долари на своите наследници , според истражувањето на магазинот Форбс.
Денес има повеќе милијардери од кога било досега (2.781), а се очекува тој број да порасне во наредните години, за време на кои постарата генерација супербогати луѓе се подготвува да го пренесе своето богатство на своите наследници, пишува лондонскиот дневен весник „Гардијан“.
Истражувањето на Форбс покажа дека има 15 милијардери постари од 30 години или помлади, но ниту еден од нив не создал сопствено богатство, туку добил огромно наследство.