Македонската атлетичарка Христина Ристеска во трката на 400 метри на Европското првенство што се одржува во Цирих, Швајцарија истрча личен рекорд.
Таа патеката ја мина за 57.47 секунди и за 97 стотинки го подобри личниот резултат што претходно го имаше постигнато 2009 година во Софија. Воедно, таа за една секунда и осум стотинки оствари време подобро од досега најдоброто лично оваа година (58.55).
Ристеска и покрај личниот рекорд имаше последен резултат во квалификациите на 400 метри и го освои 29. место.
Најдобро време 51.16 секунди, во квалификациите имаше Олга Земјак од Украина.
Покрај Ристеска на шампионатот во атлетика во Цирих ќе настапи и Ристе Пандев. Тој во четврток ќе трча во квалификациите на 200 метри.