Хрватската фудбалска репрезентација ноќеска во бразилскиот град Салвадор ја победи Австралија со 1:0, но „коцкестите“ немаа многу причини за радост, бидејќи на овој дуел се повреди нивниот стандарден играч од одбраната Даниел Праниќ.
Левиот бек мораше предвреме да го напуште натпреварот што претставуваше генерална проба пред преимиерата на Мундијалот на 12 јуни, кога Хрватска игра со домаќинот Бразил во Сао Паоло. Праниќ го повреди скочниот зглоб и според првичните информации неизвесно е дали ќе биде оспособен за настап на Светското првенство.
Освен овие две селекции во групата А се наоѓаат уште Камерун и Мексико.