Македонскиот тенисер Томислав Јотовски успеа да победи во четвртфиналето на фјучерс турнирот во Сомбор, Србија.
Македонецот во три сета беше подобар од Матеј Шабанов од Хрватска со 2:1. Првиот сет го доби Шабанов со 6:4 во гемови. Следниот му припадна на Јотовски со 6:4, а во решавачкиот нашиот тенисер беше поуспешен со 6:2 во гемови.
Во текот на мечот Јотовски имаше шест брејка од 17 можности, а Шабанов четири од шест. Ова за Јотовски е прво полуфинале.
Противник на македонскиот тенисер во полуфиналето ќе биде победникот од мечот Глеб Шахиров (Франција) и Дејан Катиќ (Србија).