Игор Кокошков е официјално прогласен за селектор на кошаркарската репрезентација на Србија. Веста што се емитуваше вчера во медиумскиот простор, сега ја потврди локалната кошаркарска федерација.
Од седиштето на нашите северни изразија посебна благодарност до Сакраменто, каде сега работи како асистент Кокошков, и до Владе Дивац, кој е претседател на кошаркарските операции на тимот од Калифорнија.
– Тоа е огромна чест за мене и за моето семејство. Среќен сум што имам можност да ја водам репрезентацијата на Србија. Свесен сум дека очекувањата се големи, но не може да биде поинаку, особено со оглед на перформансите на машката репрезентација низ годините, го прокоментира неговото назначување Кокошков.
Стратегот, кој стана европски шампион со Словенија во 2017 година, има искуство во репрезентацијата на Србија – тој е асистент во штабот на Жељко Обрадовиќ помеѓу 2004 и 2005 година.
Покрај олимписките квалификации во Белград во јуни, Кокошков доби и дозвола од Сакраменто да патува во Европа за квалификацискиот прозорец во февруари следната година. 47-годишниот Србин забележа 19 победи и 63 порази во единствената година како тренер во НБА – сезоната 2018/2019 на чело на Феникс.