Минијатурниот Peel е горд сопственик на Гинисов рекорд како најмал автомобил кој може легално да се вози низ улиците во Велика Британија. Станува збор за возило произведено во 60-тите години на минатиот век, а во моменталната криза и високите цени на горивото, автомобилот докажа дека сè уште е хит.

„Оригиналниот Peel автомобил, односно неколку примероци кои постојат во светот достигнуваат цена до 110.000 фунти“, изјави Фезал Кан, сопственикот на Peel за Mashable.

Новите автомобили кои можат да се регистрираат и да се возат се продаваат за 10.000 долари. Кан и неговите работници произведуваат мини автомобили кои изгледаат исто како и оригиналите, со тоа што некои од нив имаат електрични мотори што овие штедливи автомобили ги прави еколошки прваци во автомобилската индустрија.

Според Џејмс Багл, директор за иновации во Peel, автомобилот ги спојува предностите на моторите и скутерите со некои удобности и предности на автомобилите.

Фактот дека оригиналните двокатни мотори мораа да бидат заменети со нови, поголеми и потешки мотори претставуваше проблем, но токму затоа електричниот мотор е идеално решение.

Новите технички решенија во внатрешноста овозможија поставување на поголем број батерии. Со максималниот број батерии автомобилот има опсег до 120 км, што е повеќе од доволно, бидејќи како што велат неговите произведувачи, и онака никој не би го возел по автопат.