Швајцарски кројач соши панталони од 70 метри

Од:

Швајцарски кројач соши панталони долги скоро 70 метри, а тешки 700 килограми, со надеж дека ќе го собори светскиот рекорд.

Цвендекар Келеш вчера им ги покажа своите огромни панталони на сограѓаните. А, како што истакна, му биле потребни осум месеци да ги направи на машина за шиење. Тој сега се надева дека ќе влезе во Гинисовата книга на рекорди, а доколку успее во тоа, од панталоните има намера да направи 12.000 вреќи од платно, кои ќе ги продаде или дарува во околните продавници.

– Ова е можност да се подигне свеста за загадувањето со пластика на нашата планета, изјави Патрик Куршелас, кој го поддржува Келеш во неговиот потфат.

Келеш пристигнал во Луцерн, Швајцарија, пред 11 години од Сирија и отсекогаш сонувал за вакво нешто. Тој има поддршка од 50 лица кои му помогнале со ткаенината, којашто, патем, чини околу 4.000 евра. Потфатот бил спонзориран од донатор кој претпочита да остане неименуван.

Досега, најдолгите панталони на светот, од 65,5 метри, беа скроени во Лима, Перу, а светскиот рекорд беше поставен 2019 година.

Би можело да ве интересира

Почина веројатно последната личност родена во 19. век

Ана Ололовска

Соборен рекордот во менување автомобилски гуми

Ана Ололовска

ВИДЕО: Џои Честнат од САД изеде рекордни 76 виршли одеднаш

Ана Ололовска

Новиот женски рекорд за најбрзо искачување на Еверест, ѝ припаѓа на планинарка од Хонг Конг

Ана Ололовска

ВИДЕО: „Пуцвал“ за Гинис – Симон Вилијамс е горда сопственичка на најголемата афро-фризура во светот

Жарко Настоски

ВИДЕО: Гинисовиот рекорд за најдолга подводна прошетка соборен во Сплит

Жарко Настоски