Шпанецот Рафаел Надал го демантираше таткото на Новак Ѓоковиќ, Срѓан, кој во едно интервју изјави дека односот на неговиот син со шпанскиот тенисер не е добар.
„Не можам да зборувам за нешто што лично не сум го слушнал или прочитал, но ќе го кажам само ова: никогаш во животот не сум имал проблеми со Новак, нашиот однос отсекогаш бил многу добар и секогаш ќе биде таков. Често сме играле, губевме и јас и тој, но тоа не го расипа нашиот однос. Доколку се појавеше некаков проблем меѓу мене и Новак, ние сигурно би разговарале за тоа и би го решиле”, изјави Надал.