По Полугодишно отсуство од терените, Рафаел Надал е подготвен за враќање, но долгата пауза оставила трага врз Шпанецот.
Моментално четвртиот тенисер на светот се наоѓа на само неколку дена од настапот на егзибицискиот турнир во Абу Даби.
„Секогаш постојат одредени сомнежи што е нормално. Коленото е подобро, но се уште сум далеку од посакуваната форма. Постои некое чувство на страв, но верувам во себе и во своите доктори и се надевам дека се ќе помине во најдобар ред“ – изјави Надал кој поради повредата ги пропушти Олимписките игри, УС Опен и финалето во Дејвис купот.
„Свесен сум за можноста на стартот коленото да не реагира онака како што посакувам. Но, ќе одам чекор по чекор и во наредните три месеци нема премногу да се форсирам. Целта ми е да бидам подготвен за турнирите во Мајами и Индијан Велс кои се на програмата на почетокот од март, а врвната форма да ја достигнам на турнирот во Монте Карло“ – додава Шпанецот.