Шпанските тенисери Рафаел Надал и Давид Ферер одиграа мини меч во Куќата на операта „Гран театро де Лицеу“ во Барселона во пресрет на АТП турнирот во каталонската престолнина.
– Пресреќен сум што можев да играм во едно од најпознатите места на Барселона, изјави Надал синоќа по завршувањето на мечот со својот сонародник.
При тоа, светскиот рекет број 1 додаде дека сака да слуша оперска музика и откри дека неговиот дедо бил шеф на театарскиот оркестар.
– Овде често доаѓав кога бев дете, рече Надал.