Во Лондон стартува завршниот Мастерс турнир на кој, со исклучок на Рафа Надал, ќе учествуваат осуммината најдобри на АТП листата.
Турнирот ќе го отворат Енди Мареј и Чехот Томаш Бердих. Покрај нив двајца во А групата се уште и Новак Ѓоковиќ и Жо-Вилфред Цонга, тие својот меч ќе го започнат во 20:45 часот.
Натпреварите од првото коло во Б групата ќе се одиграат во вторник, од 14:45 часот својот меч ќе го започнат Роџер Федерер и Јанко Типсаревиќ, додека во вечерниот термин од 20:45 ќе играат Давид Ферер и Хуан Мартин дел Потро.
Победникот на турнирот, доколку победи на сите мечеви, максимално може да освои 1,76 милиони долари и нови 1.500 бодови.
Секоја победа во групата носи 200 АТП поени, победата во полуфиналето носи 400, а во финалето 500 поени.
Парично, секоја победа на турнирот носи 130.000 долари, полуфинална победа вреди 410.000 долари, а со 830.000 долари се наградува победата во финалето.
Инаку, најтрофеен на завршните Мастерс турнири е Роџер Федерер, тој има шест титули, вклучувајќи ја и минатогодишната, поранешните великани на светскиот тенис Иван Лендл и Пит Сампрас имаат по пет, Илија Настасе освоил четири, а Борис Бекер три титули.