Марчинијак: Французите не се жалат дека сите резерви беа во терен кога Мбапе шутираше пенал

Од:

Полскиот судија Шимон Марчинијак, кој го судеше финалето на Светското првенство меѓу Аргентина и Франција, одговори на обвинувањата на Французите дека директно влијаел на исходот на натпреварот кој Аргентина го доби со 4:2 на пенали, откако беше 3:3 по 120 минути.

Ден по финалето се појави видео на кое се гледа како двајца играчи на Аргентина истрчале на теренот пред голот на Меси за 3:2 во продолжението, а Французите се жалат дека не требало да биде досуден пенал за Аргентина. Беше покрената дури и петиција за повторување на финалето на Светското првенство, но сосема е јасно дека ништо нема да излезе од тоа.

„Французите се жалат на голот на Меси, но не кажаа ништо за голот од пенал на Мбапе, пред кој на теренот беа седум француски фудбалери“, изјави Марчинијак на прес-конференцијата покажувајќи ја фотографијата на мобилниот телефон на која се гледа пеналот на Французинот.

Шимон Марчинијак, судијата за финалето на Светското првенство, одговори и на критиките дека вториот гол на Лионел Меси не требало да биде регуларен.

„Французите не ја споменаа оваа фотографија, каде што можете да видите како има седум Французи на теренот кога Мбапе ќе постигне гол од пенал“, истакна Марчинијак.

„Прво, за двете ситуации да бидат казниви, односно да се прекине играта поради нив, тие играчи треба директно да влијаат на играта, тука навистина ништо не влијаеше“, додаде Марчинијак и продолжи:

„Многу судии ме контактираа, вклучително и Французите, кои ми кажаа дека судев одлично. Мбапе по натпреварот изјави дека судискиот тим е одличен. Мислам дека ова беше само обид за некаков сензационализам.“

Извор: Топспорт

Би можело да ве интересира

Мароканците одлучија паричната награда од ФИФА да ја донираат за сиромашните сограѓани

Горан Наумовски

ВИДЕО: И Мароканците со фантастичен пречек во Рабат

Горан Наумовски

Мустафа Хаџи со лажна лиценца бил асистент тренер во репрезентацијата на Мароко

Горан Наумовски

Ѓоковиќ го пофали Катар за организацијата на Светското првенство: Еден од најдобрите фудбалски натпревари што сум ги гледал

А1он

Најефикасен Мундијал во историјата

ВИДЕО: Загреб ги пречека бронзените херои

Ана Ололовска