Кошаркарската репрезентација на Македонија од вечерва се наоѓа во Охрид, каде ќе ги продолжи подготовките за претстојните евро-квалификации.
Во нашиот туристички центар ќе се одигра турнирот Охрид 2014, на кој покрај Македонија ќе учествуваат и репрезентациите на Романија, Грузија и Австрија.
Натпреварите ќе се играат од 16 до 18 јули, Македонија своите натпревари ќе ги почнува од 20 часот и 30 минути.
По завршувањето на турнирот во Охрид, репрезентацијата повторно ќе се врати во Скопје, каде ќе ја очекува нов подготвителен турнир.
Салата „Борис Трајковски“ ќе биде домаќин на Италија, Црна Гора и Полска, а натпреварите ќе се играат од 25 до 27 јули.
Квалификациите за Евробаскетот почнуваат на 10 август.