Фудбалскиот репрезентативец на Хрватска Нико Крањчар поради повреда (тетива) добиена во саботата на бараж дуелот за влез во Премиер лигата меѓу КПР и Дерби Каунти, нема да може да биде на располагање на селекторот на Хрватска, Нико Ковач за претстојното Светско првенство.
Во текот на дуелот Крањчар беше заменет и по направените прегледи дадена е препорака за мирување околу четири недели, што значи дека играчот ќе мора да го пропушти Мундијалот во Бразил.
Крањчар за Хрватска има одиграно 81 натпревар.
Отказот на Крањчар е трет во редовите на хрватската репрезентација, откако претходно поради повреди од списокот на селекторот отпаднаа: Иван Струниќ (Днипро) и Иво Иличевиќ (Хамбургер).
Хрватска првиот натпревар на Светското првенство го игра против домаќинот Бразил на 12.јуни на Свеченото отворање.