Првиот тенисер на светот Новак Ѓоковиќ се пласираше во четвртфиналето на Австралијан Опен со победата на Станислас Вавринка со резултат 1:6, 7:5, 6:4, 6:7 (5:7), 12:10. Маратонскиот меч траеше пет часа и две минути.

Ѓоковиќ многу се мачеше против Вавринка, но во одлучувачките моменти беше подобар. За прв пат во кариерата го играше петтиот сет на разлика и го доби по последниот 22. гем кој траеше повеќе од десет минути.

Во текот на целиот меч имаше многу пресврти. Швајцарецот наоѓаѓе решенија за играта на Новак се до 5-от сет, кога Србинот имаше повеќе прилики, но ги искористи дури по 104 минути игра во тој сет.

Во четвртфиналето, Ѓоковиќ ќе игра против чешкиот тенисер Томаш Бердих, кој беше подобар од Кевин Андерсон.