Италијанскиот шампион Јувентус од почетокот на 2018 години прими само три гола, интересно сите од Тотенхем во елитната Лига на УЕФА.
Голманот на „Старата Дама“ Џиџи Буфон беше совладан двапати во Торино кога Јуве и Тотенхем ремизираа (2:2) и еднаш синоќа во Лондон (2:1).
Сепак, и тоа не беше доволно Тотенхем да го елиминира Јувентус во осминафиналето од Лигата на шампионите.
На трите средби одиграни во Копа Италија и на седумте меча од Серија А мрежата на Јувентус остана мирна, што значи на вкупно 10 меча во домашните првенства во 2018 година никој не успеал да му даде гол на италијанскиот шампион.