Македонскиот тенисер Томислав Јотовски не успеа да се пласира во финалето во двојки на фјучрс турнирот во Шарм Ел Шеик во Египет.
Попладнево тој заедно со Аргентинецот Данте Џенаро загубија од српската комбинација Данило Петровиќ и Илија Вучиќ. Јотовски и Џенаро освоија вкупно три гема и мечот го загубија со 6:2 и 6:1 во гемови.
Ова за нашиот тенисер беше последен настап за овој период во Египет бидејќи веќе од понеделник почнува со подготовките за настапот во дејвис куп репрезентацијата на Македонија.
Нашата репрезентација од 5 до 11 мај во Сегед, Унгарија ќе настапи во рамките на Третата Европска зона од ова натпреварување. Покрај Јотовски во составот на нашата репрезентација се уште: Димитар Грабул, Шендрит Деари и Предраг Русевски.