Македонската тениска двојка Томислав Јотовски и Шендрит Деари е на прагот да го повтори успехот од претходната недела кога беа финалисти на фјучрс во Египет. Попладнево тие во полуфиналето ќе играат против првите носители Карим Мамун (Египет) и Исам Тавел (Сирија).
Синоќа Јотовски и Деари постигнаа победа над Дмитри Бретинг (Швајцарија) и Кевин Ајшен (Франција) со 2-0 во сетови (6:4 и 6:3).
Инаку, Јотовски во второто коло вчера го заврши настапот во сингл откако загуби со 2-1 во сетови од седмиот носител Рикардо Синикропи од Италија.