Најдобриот македонски тенисер Томислав Јотовски календарската 2014 година ќе ја заврши со најдобар ранг 546 место. Тој на најновата АТП листа објавена денеска направи скок од едно место и има освоено 59 поени.
Димитар Грабул се наоѓа на 641 место со пад од две позиции на АТП листата со 42 поена. Стефан Мицов е на 1.304 место, Шендрит Деари е 1.370 место, а Бесир Дургути 1.394 место.
Во двојки Јотовски е на 710 место, Деари е 1.242 место, Грабул 1.462 место и Мицов 1.820 место.
И најдобрата македонска тенисерка Лина Ѓорческа има скок од едно место на ВТА листата во однос на претходната недела и се наоѓа на 400-та позиција со 79 поени. Таа во двојки го задржа истиот ранг 363 место, додека Магдалена Стоилковска во двојки се наоѓа на 958 место.