Хрватскиот тенисер Иво Карловиќ заврши во болница во Мајами, поради се уште неутврдени причини.
Иако првичните информации беа, дека имал помал потрес на мозокот, можно е 34-годишниот тенисер да боледува од воспалување на мозокот.
Докторите се уште немаат точна дијагноза и поконкретни информации се очекуваат во наредните денови.
Иако хрватскиот тенисер беше пуштен од болница, набрзо се врати, откако повторно му се слошило.
Карловиќ е моментално 95. место на АТП листата, а најдобар пласман му била 14. позиција во август 2008. година.
Досега има освоено 4 титули. Со репрезентацијата на Хрватска го има освоено и Дејвис купот.