Индиската атлетичарка Пинки Праманик е уапсена денеска под обвинение за силување. Веројатноста дека ова е вистина стана поголема кога пријателката на Праманик потврди дека таа е машко.
Праманик, вице-шампионка на Игрите на Комонвелтот на 400 метри и членка на златната штафета на Индија (4х400) на Азиските игри во 2006 година во Доха, ги отфрли обвинувањата, но одби да направи тестовите за утврдување на полот.
Меѓутоа, Судот наложи Праманик, која последните години ретко се натпреварува заради бројните повреди, да остане во притвор до 29 јуни и дотогаш медицински да се утврди нејзиниот пол.
Во обвинението против Праманик се наведува дека со партнерката последните неколку месеци живеела во вонбрачна врска и дека требало да се венчаат, но атлетичарката се предомислила.